Actualizacións:

• Incorporación de versións de escritorio.
• Corrección de fallos

Breogán VSTi para Windows e Mac é un instrumento virtual que recrea o son dos instrumentos de vento tradicionais galegos dentro do mundo da produción musical dixital. O plugin inclúe gaita galega, pito galego, requinta e asubío, permitindo incorporar estas sonoridades características de Galicia en composicións modernas, bandas sonoras ou música tradicional.

O instrumento foi deseñado para ser sinxelo de usar e accesíbel para todo o mundo, tanto para músicos tradicionais como para produtores que queiran explorar novos sons. A través dun teclado MIDI ou do propio ordenador, é posible interpretar melodías e controlar diferentes articulacións que reproducen os matices naturais dos instrumentos.

Breogán tamén incorpora diferentes paneis de configuración que permiten modificar parámetros como dinámica, ecualización, envolvente, reverb ou vibrato, ofrecendo flexibilidade para adaptar o son a diferentes estilos e producións.

As mostras foron gravadas con coidado para capturar a claridade, a expresividade e o carácter propio da interpretación tradicional galega, mantendo o máximo respecto pola sonoridade orixinal dos instrumentos.

Breogán VSTi é ademais un proxecto pensado para difundir e poñer en valor a música tradicional galega, facilitando que o seu son poida formar parte de novas creacións musicais.

Libre, accesíbel e totalmente de balde.

Formatos VST3 e AU (Windows e Mac).